اشتقت للتدوين…

اشتقت كتير لأيام كنت أقدر أصرخ فيها دون ما حدا يقدر يوقفني أو يسألني: شو عم تعملي يا هبلة؟!!”

اشتقت لأيام كنت مضيها أتنقل من مدونة لمدونة و من فكر لفكر بدون سدود و لا حدود…

اشتقت للصبحية مع ريم و حلا و جو …

اشتقت لتعليقاتكم و آراءكم يللي - بالغالب - ما كنت آخد فيها, مش لأنها ما بتعني لي بس لأني هيك -من يوم خلقت- عقلي براسي و بادعي اني باعرف خلاصي!!

اشتقت لشي يرجع يوصلني بالأرض…

الخط الأرضي عندي كانت هالمدونة…

مش رح اقدر خبركم كم صاعقة صارت ضاربتني من يوم بعدت عنها!!

اشتقت لكم كتير…

و إنتو كمان, اشتقتوا لي يا ترى؟!!

زينب.