من أروع ما سمعت*
يونيو 17th, 2009 بواسطة: زينبــــــ رحّالـــــــ
راحـتي يا إخـوتي فـي خـلـوتي … و حبيبي دائماً في حضرتي
لم أجـد لي عـن هـواه عِـوَضاً … و هـواهُ في البرايا مـحـنتـي
حـيـثُـمـا كـنـتُ أشاهـد حُسنه … فـهـو مِـحـرابـي إليـه قِـبـلـتـي
*شعر صوفي, موسيقى الرائع نداء أبي مراد.
الهبلُ إذا تجلّى!!
يونيو 16th, 2009 بواسطة: زينبــــــ رحّالـــــــ
يبقى الأهبلُ أهبلاً و إن صار مديرا. بهالحالة بيصير مدير أهبل. و أهبل من هيك ما في!!
*****
يمكن الأصح أني قول: ”يبقى الأهبل أهبل و لو عملوه مدير!!”. مش هيك؟!…
لأن الأهبل ما بيصير مدير. بيعملوه مدير.
تماماً متل ما بيعملوه نايب, و بيعملوه وزير… و أحياناً - بجمهورية الموز/ لبنان/ بيعملوه رئيس وزارة كمان!!
*****
طالع ضغطي هالإيام من الهبل المستعصي و المستشري و المنتشر من حولي!!!
المصيبة إنو في ناس منسوب الهبل عندها مش مستقر أبداً.
و يا ريت بس مش مستقر, كانت محمولة, عأساس إذا طلع في أمل يرجع ينزل
بس بهالحالة,
الهبل ما في غير إنو بيشد طلوع!!
*****
و لك يا أمة ضحكت من هبلها الأمم!!
و يا شعبٌ رَقّ الحذاء برأسه فصاح - الحذاء- بأيّ ذنبٍ أَرقَّ!!
عبث. إيه و الله عبث!!
*****